İkinci Qarabağ müharibəsində ölən erməni hərbçilər haqqında dəhşətli faktlar üzə çıxıb.

Teref.Az erməni mediasına istinadla xəbər verir ki, 44 günlük müharibədə ölən Sasun Petrosyanın atası məhkəmədə deyib.

Bu gün İrəvanda hakim Con Ayrapetyanın sədrliyi ilə hərbi hissələrdən birinin batalyon komandiri, müvəqqəti və kiçik zabitlərin rəisi İşxan Vahanyanın işinin istintaqı davam etdirilib.

44 günlük müharibədə həlak olan əsgərlərin yaxınları da iclas zalında olub.

Qeyd edək ki, İşxan Vahanyan 2020-ci ildə ictimai təhlükəli əməlləri törətməkdə ittiham olunur. O, oktyabrın 9-dan “müdafiə ordusu”nun 5-ci atıcı taborunun komandiri vəzifəsinə təyin olunub. Mayor rütbəsi ilə xidmətinə görə həmin taborun müvəqqəti və kiçik zabitlərinin bilavasitə rəisi olub.

“Oğlumla danışanda mənə dəhşətli faktlar dedi. Oğlumun dediyinə görə, yüksək rütbəli hərbçi onlara yaralıları öldürməyi əmr edib.

“Bizə deyir ki, yaralıların başına vurun, uçsunlar”, zabit deyib. Onun general olub-olmadığını, kim olduğunu dəqiq deyə bilmərəm. Çünki oğlum dəqiq kim olduğunu demədi, bunu deyən yüksək rütbəli hərbçi olub.

“Uşaqlar mühasirəyə alındığından təbii ki, zabitləri, komandirləri günahlandırdılar. Bəs kimi günahlandırsınlar? Tağım komandirindən tutmuş PB komandirinə qədər oğlanlara xəyanət etdiklərinə görə cavab verməli olacaqlar”, – Petrosyan deyib. \\KONKRET.az