ABŞ səfirliyinin Bakıdakı keçmiş işçisi Dövlət Departamentinə 128 min dollar ödəyib
ABŞ prokurorluğu ABŞ-ın Bakıdakı səfirliyinin keçmiş əməkdaşının mənimsəmə ittihamlarına aradan qaldırmaq üçün 128 min dollar ödədiyini bildirib, TURANın Vaşinqton müxbiri xəbər verir.

ABŞ Prokurorluğu açıqlamasında bildirib ki, əslən azərbaycanlı olan Rafiq Göyüşov Bakıdakı səfirlikdə işlədiyi 20 il ərzində Azərbaycanın digər sakini Azər Səmədova bir neçə dəfə ödəniş edib.

O, pulun tikinti işlərinə və səfirliyin Bakıda icarəyə götürdüyü bir neçə yaşayış binasının saxlanması xərclərinə hesablandığını iddia edir.

Əslində, Dövlət Departamenti ilə Səmədov arasında etibarlı müqavilə olmayıb.

“Səfirliyin keçmiş əməkdaşı buna görə məsuliyyətə cəlb edilib, lakin pul qaytarıldıqdan sonra barışıq sazişi bağlanıb”, – deyə prokurorluğun açıqlamasında bildirilir.

Turan agentliyi adıçəkilən Azərbaycan vətəndaşlarının ABŞ Prokurorluğunun açıqlaması ilə bağlı fikirlərini öyrənə bilməyib. Lakin onlara söz verməyə hazırdır.