Müxtəlif ölkələrdə, o cümlədən ABŞ və Böyük Britaniyada aparılan araşdırmalar göstərir ki, əhalinin əhəmiyyətli bir hissəsi kabuslar kimi paranormal hadisələrə inanmağa meyllidirlər.

Məsələn, 2019-cu ildə “YouGov”un sorğusu amerikalıların 45%-nin belə inanclı olduğunu göstərib. Böyük Britaniyada və digər ölkələrdə də keçirilmiş oxşar sorğular analoji nəticəni təsdiq edib.

Məlum olub ki, insanlar ilahi varlıqdan daha çox ruhların varlığına inanırlar.

Hertfordşir Universitetinin professoru Riçard Vaysmann bu fenomenin iki əsas səbəbini açıqlayıb.

Birincisi, burada şəxsi təcrübə əsas rol oynayır. Bir çox insanlar, xüsusən də yaxınlarını itirdikdən sonra paranormal hadisələrlə qarşılaşdıqlarını bildirirlər. Bundan əlavə, kitablar, filmlər və televiziya şouları kimi media vasitələri də insanlarda paranormal qavrayışları fəal şəkildə formalaşdırır.

İkinci amil fərdin psixoloji xüsusiyyətləridir. Yaradıcı və açıq düşüncəli insanlar tez-tez ətrafdakı dünyada qeyri-adi nümunələr və mənalar axtarırlar ki, bu da qəribə hadisələri paranormal kimi şərh etməyə səbəb ola bilər.

Mənbə: pravda.ru