Mütəxəssislər təkrar qaynadılmış suda zərərli maddələrin konsentrasiyasının artaraq sağlamlıq problemlərinə səbəb ola biləcəyini bildiriblər.

TEREF News24.az-a istinadən xəbər verir ki, alimlərin fikrincə, suda təbii olaraq olan nitratlar dəfələrlə qaynadılanda nitrozaminlərə çevrilə bilir.

Nitrozaminlər sağlamlıq üçün təhlükəli olan, bədənə ciddi ziyan vuran və xərçəng riskini artıran maddələrdir. Bu səbəbdən suyu yenidən qaynatmaq vərdişinə diqqət yetirilməli olduğu vurğulanır.

Alimlər həmçinin bildirirlər ki, belə mayelərin tərkibindəki flüor sonsuzluq riskini artıra bilər. Bu səbəbdən suyu yenidən qaynadarkən daha çox diqqətli olmaq lazım olduğu vurğulanıb.

Suyun yenidən qaynadılmasının bəzi potensial təhlükələri bunlardır.

1. Nitratlar və Nitritlar:

Suda olan nitratlar uzun müddət və ya dəfələrlə qaynadıldığında nitritə çevrilə bilər. Nitritlər sağlamlığa daha zərərlidir və xüsusilə körpələr üçün təhlükəli ola bilər. Nitritlər "mavi körpə sindromu" kimi tanınan oksigen çatışmazlığı probleminə də səbəb ola bilər.

2. Ağır metallar:

İçməli suda təbii olaraq mövcud olan qurğuşun və arsen kimi ağır metallar yenidən qaynadılanda daha çox qatılaşa bilər. Bu maddələrin yüksək səviyyələri böyrəklərin zədələnməsinə, sinir sisteminin pozulmasına və uzun müddətdə hətta xərçəngə səbəb ola bilər.

3. Flüor və digər minerallar:

Suyun yenidən qaynadılması ftorid kimi maddələrin konsentrasiyasını da artıra bilər. Yüksək flüorid səviyyələri uzun müddətdə diş və sümük sağlamlığına mənfi təsir göstərə bilər.

4. Zərərli maddələrin konsentrasiyası:

Suyu yenidən qaynadarkən buxarlanan suyun miqdarı azalır, suda qalan zərərli maddələrin miqdarı isə arta bilər. Xüsusilə kran suyu kimi mənbələrdən gələn su bu riskləri daşıya bilər.

Etiketlər: