Pepino meyvəsi həm tərkibindəki qida dəyərləri, həm də sağlamlığa faydaları ilə tanınan tropik bir meyvədir. Foodinfo.az xəbər verir ki, şirin və sulu dadı ilə yanaşı, bədənin bir çox funksiyasını dəstəkləyən vitaminlər, minerallar və antioksidantlarla zəngindir. Bu meyvə immuniteti gücləndirir və hüceyrələri sərbəst radikallardan qoruyaraq iltihab əleyhinə təsir göstərir. Tərkibindəki lif bağırsaq fəaliyyətini yaxşılaşdırır, qəbizliyin qarşısını alır və həzm sistemini sağlam saxlayır. Pepino meyvəsi kaliumla zəngindir, bu da ürək sağlamlığını dəstəkləyir və qan təzyiqini normallaşdırır. Aşağı kalorili olması ilə pəhrizlərdə ideal seçimdir. Eyni zamanda su tərkibi yüksək olduğundan orqanizmi nəmləndirir. Pepino kalsium və fosfor tərkibi ilə sümüklərin möhkəmlənməsinə kömək edir. Beta-karotin tərkibi dəri parlaqlığını artırır və göz sağlamlığını qoruyur.