Kiçik mutasiyalar meymunçiçəyi virusunun hava-damcı yolu ilə ötürülməsinə səbəb ola bilər.

TASS-ın verdiyi məlumata görə, bu barədə Rusiya Səhiyyə Nazirliyinin N.F.Qamaleya adına Epidemiologiya və Mikrobiologiya Milli Tədqiqat İnstitutunun direktoru Aleksandr Qinzburq xəbərdarlıq edib.

Alim vurğulayıb ki, meymunçiçəyi öz genomuna, DNT ardıcıllığına görə təbii qaraçiçək xəstəliyinə çox bənzəyir. Buna görə də virusun intensiv mutasiya dəyişiklikləri onun virulentliyini (xəstəliktörətmə qabiliyyətini) artıra bilər. Beləliklə o, kontakt yolu ilə deyil, hava-damcı yolu ilə də yayılmağa başlaya bilər.

Qinzburq qeyd edib ki, bu hal üçün Mərkəzdə meymunçiçəyinin bütün variantlarından, həmçinin qaraçiçək xəstəliyindən qorumalı olan yeni peyvənd hazırlanır.