Qurudulmuş meyvələrdən hazırlanan kompot qış aylarında çox faydalı içki hesab olunur.
Dietoloq Mariyat Muxina bu içkinin immunitet, ürək-damar sistemi və görmə qabiliyyəti üçün faydalı olduğunu qeyd edib. Kompotun tərkibindəki C vitamini immuniteti gücləndirir, A vitamini göz sağlamlığını qoruyur. Kalium ürək fəaliyyətini dəstəkləyir, maqnezium isə təzyiqi normallaşdırır və stressi azaldır.Dietoloq yaşlı insanlara hər gün iki yüz-dörd yüz millilitr kompot içməyi məsləhət görür, lakin şəkər əlavə edilməməsi vacibdir, çünki bu, mədəaltı vəzə zərər verə bilər. Təbii maddələrlə zəngin olan bu içki orqanizmin qida maddələri balansını qorumağa kömək edir. Mütəxəssislə məsləhətləşmək tövsiyə olunur.