Amerikalı alimlər: Ağ cırtdanlar yaxınlığında həyat mümkün ola bilər

Florid Texnologiya İnstitutunun amerikalı alimləri müəyyən ediblər ki, kosmosda həyat gözlənilməz yerlərdə — ağ cırtdanların yaxınlığında mövcud ola bilər.

32gun.az bildirir ki, bu barədə Astrophysical Journal Letters (AJL) elmi jurnalında məqalə dərc edilib.

Araşdırmaya görə, ağ cırtdanlar Günəşə bənzər ulduzların həyatının son mərhələsində qalan soyumuş nüvələridir. Uzun müddət onların dəyişkən temperaturu səbəbindən həyat üçün əlverişsiz hesab olunurdu. Lakin alimlər müəyyən ediblər ki, ağ cırtdanlar fotosintez və abioqenez (ultrabənövşəyi şüalanma nəticəsində həyatın yaranma prosesi) üçün kifayət qədər enerji təmin edə bilər.

Tədqiqat göstərib ki, ağ cırtdan öz ətrafında fırlanan Yer tipli planetə 7 milyard il boyunca kifayət qədər enerji verə bilər. Bu kəşf Yerə bənzər şərtlərin digər ulduz sistemlərində də mövcud ola biləcəyini göstərərək, kosmosda həyat axtarışına yeni imkanlar açır.