"YouTube" axtarış nəticələrində süni intellektə əsaslanan xülasələr təqdim etməyə hazırlaşır.
Bizimyol.info "webtekno"ya istinadən xəbər verir ki, Hazırda məhdud sayda "YouTube" "Premium" istifadəçisi ilə sınaqdan keçirilən funksiya videolarda ən uyğun bölmələri vurğulayacaq.

"Google" daha əvvəl axtarış sistemində təqdim etdiyi "AI Baxış" funksiyasını indi "YouTube" üçün sınaqdan keçirməyə başlayıb. Məhdud sayda Premium üzvləri hazırda axtarışlarında süni intellektlə işləyən video xülasələri görürlər.

Süni intellekt xülasələri videolardakı ən faydalı bölmələri, xüsusilə məhsul axtarışları və ya səyahətlə bağlı mövzuları vurğulayacaq. Beləliklə, istifadəçilər videonun tamamına baxmadan, axtardıqları məlumatlara tez bir zamanda daxil ola biləcəklər. Təbii ki, bu vəziyyət məzmun istehsalçılarının gəlirlərində azalma ola biləcəyi ilə bağlı narahatlıqları da gətirir. "YouTube" bu yeni funksiya ilə bağlı rəyləri hələlik yalnız "Premium" istifadəçilərdən toplamağı planlaşdırır.

"Google" hələ ki, süni intellektlə işləyən xülasələrin nə qədər sınaqdan keçiriləcəyini və ya "Premium" istifadəçilərdən başqa istifadəçilər üçün nə vaxt əlçatan olacağını açıqlamayıb. Bununla belə, yeni xüsusiyyətin kütlələrə çatmasının çox vaxt çəkməyəcəyi təxmin edilir.