150 qram çiyələk gündəlik C vitamini tələbatını təmin edir.
Moskva Səhiyyə İdarəsinin baş dietoloqu Antonina Starodubova bu barədə məlumat verib. O, çiyələyin tərkibində fol turşusu (vitamin B9), karotenoidlər (A vitamininin prekursorları) və E vitamininin də olduğunu vurğulayıb. Mütəxəssis qeyd edib ki, çiyələk həm faydalı, həm də aşağı kalorili məhsuldur — 100 qramda cəmi 34 kalori var. Bununla belə, Starodubova həddindən artıq miqdarda istehlakın tövsiyə olunmadığını bildirib. Sağlam yetkin şəxslər üçün gündə orta porsiya 250-300 qramdır.