Avropa İttifaqında ən çox hansı növ avtomobillər satılır? - SİYAHI
Dünən, 17:34
Ötən ay Avropa İttifaqında yeni avtomobillərin qeydiyyatı illik müqayisədə 5,3% artaraq 677,8 min ədədə çatıb.
Bu barədə Avropa Avtomobil İstehsalçıları Assosiasiyası (ACEA) məlumat yayıb.
Avropa avtomobil bazarında ən böyük tələbat əhəmiyyətli artım (+14%) nümayiş etdirən hibrid modellərə olub. Elektromobillərin qeydiyyatı 30% artıb.
Eyni zamanda, ənənəvi mühərrikli avtomobillər sektorunda mənfi dinamikanı müşahidə etmək olar. Məsələn, benzinlə işləyən avtomobillər 16% azalma göstərib.
Ümumilikdə, avqust ayında Avropa İttifaqında aşağıdakılar qeydə alınıb:
* Hibridlər (HEV) – 229 970 ədəd (+14%);
* Benzinlə işləyən avtomobillər – 178 156 (-16%);
* Elektrikli nəqliyyat vasitələri (BEV) – 120 797 (+30%);
* Plug-in hibridləri – 70 545 (+55%);
* Dizellə işləyən avtomobillər – 59 327 (-17%);
* Digər – 18 990 (+2%).
Qeyd edək ki, bu ilin səkkiz ayının nəticələrinə görə, Aİ-də yeni minik avtomobilləri bazarı 0,1% azalaraq 7 168 848 ədəd olub.
