Almaniya Avropanın İranla nüvə proqramı ilə bağlı danışıqlarının nəticəsiz qalmasından sonra BMT-nin Tehrana qarşı genişmiqyaslı sanksiyalar tətbiq etdiyini açıqlayıb.
Bakupost.az xəbər verir ki, bu barədə Almaniyanın xarici işlər naziri Yohan Vadefuhl bildirib.
O qeyd edib ki, Avropa danışıqlar yolu ilə nizamlanma üçün çoxsaylı imkanlar təklif edib, lakin İran onlardan istifadə etməyib.
"Röyters"in diplomatlara istinadla verdiyi məlumata görə, Rusiya və Çin cümə günü BMT Təhlükəsizlik Şurasından İrana qarşı tətik mexanizminin istifadəsini altı ay təxirə salan qətnamə layihəsinə səs verməyi xahiş ediblər.