Sürücü borca görə sanatoriyadakı qadını güllələdi — DƏHŞƏTLİ QƏTLİN TARİXÇƏSİ

6-09-2018, 16:52           
Sürücü borca görə sanatoriyadakı qadını güllələdi — DƏHŞƏTLİ QƏTLİN TARİXÇƏSİ
Naftalan şəhərində qəsdən adam öldürməkdə təqsirli bilinən 1956-cı il təvəllüdlü Əli Hüseynovun cinayət işi üzrə məhkəmə prosesi başlayıb.
“Ölkə.Az” xəbər verir ki, məhkəmə prosesi Gəncə Ağır Cinayətlər Məhkəməsində hakim Sevindik Əzizovun sədrliyi ilə keçirilib.
İttihama görə, bu ilin martın 28-də 1987-ci il təvəllüdlü rayon sakini Günay Gəray qızı Zeynalova Naftalan şəhərindəki “Sehrli Naftalan” sanatoriyasında güllələnib.

O, ağır vəziyyətdə Goranboy rayon Mərkəzi Xəstəxanasına yerləşdirilib. Tibbi yardım göstərilsə də, qadının həyatını xilas etmək mümkün olmayıb.
Hüquq-mühafizə orqanları əməkdaşlarının keçirdiyi əməliyyat nəticəsində cinayəti törətməkdə şübhəli bilinən Naftalan şəhər sakini Əli Hüseynov şübhəli şəxs qismində saxlanılıb.

Məlum olub ki, Günay Zeynalova sanatroiyada qeydiyyatçı, Əli Hüseynov isə sürücü işləyib.
İstintaq araşdırması zamanı 31 yaşlı qadının güllələnərək öldürülməsi hadisəsinin təfərrüatı məlum olub.
Tanışı tərəfindən qətlə yetirilən Günay Zeynalova ailəli olub və hamilə imiş.
Bildirilir ki, sanatoriyada qeydiyyatçı işləyən qadının 2 yaşında bir övladı varmış və bir neçə ay sonra yenidən ana olmağa hazırlaşırmış.
Hadisəni törədən Qızılhacılı kənd sakini Əli Hüseynov da qadının hamilə olmasından xəbərdar olub.
Qətl hadisəsi pul mübahisəsinə görə baş verib.
Belə ki, Əli Hüseynov avtobus sürücüsüdür. Onun əsas işi sanatoriyaya dincəlməyə gələnlərin Göygöl, Hacıkənd, Toğana kimi yerlərə gəzintilərini təşkil etmək olub.Avtobus sürücüsünə bu işdə Naftalan şəhərindəki sanatoriyalarda işləyən inzibatçı xanım kömək edib.

Zaman keçdikcə Günay Zeynalovanın Əli Hüseynova borcu yaranıb və onların arasındakı işgüzar münasibət pozulub.
Qeyd edək ki, saxlanılan Əli Hüseynov ailəli olub və müsbət xarakterli şəxs kimi tanınıb.

İstintaq orqanı tərəfindən Əli Hüseynovun barəsində Cinayət Məcəlləsinin 120.2.2-ci (xuliqanlıq niyyəti ilə adam öldürmə), 228.1-ci (qanunsuz olaraq odlu silah, onun komplekt hissələrini, döyüş sursatı (yivsiz odlu ov silahı və həmin silah üçün döyüş sursatı istisna olmaqla), partlayıcı maddələr və qurğular əldə etmə, başqasına vermə, satma, saxlama, daşıma və ya gəzdirmə) və 229.1-ci (qanunsuz olaraq odlu silah, onun komplekt hissələrini, döyüş sursatını, partlayıcı maddələri və qurğuları hazırlama, habelə odlu silahı təmir etmə) maddələri ilə ittiham elan edilib.



Loading...



Loading...





Loading...

Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.