Qan təzyiqinin aşağı olması (hipotoniya) bəzən başgicəllənmə, yorğunluq və zəiflik yarada bilər. Bunun qarşısını almaq üçün bəzi qidalar qan təzyiqini yüksəltməyə kömək edə bilər. Foodinfo.az bu qidaları təqdim edir:
Duzlu qidalar
Duz (natrium) qan təzyiqini qaldırmaqda effektivdir. Turşu xiyar, zeytun, pendir kimi duzlu qidalar qısa müddətdə aşağı təzyiqə təsir göstərə bilər. Kofeinli içkilər
Çay, qəhvə və enerji içkiləri kofein tərkibi sayəsində qan dövranını sürətləndirir və təzyiqi müvəqqəti olaraq artırır.
Kök suyu
Tərkibindəki kalium və natrium balansı qan təzyiqini tənzimləməyə kömək edir.
Quru meyvələr
Üzüm, xurma, əncir kimi quru meyvələr qan dövranını yaxşılaşdırır və təzyiqi artırır.
Bal və zəncəfil
Bal tərkibindəki təbii şəkərlər, zəncəfil isə dövranı stimullaşdıraraq qan təzyiqini yüksəldir.
Şokolad
Tünd şokolad qan damarlarını genişləndirərək və dövranı stimullaşdıraraq təzyiqi tənzimləyir.
Ət və bulyonlar
Protein və natrium zənginliyi sayəsində qan təzyiqini normallaşdırır.
Bu qidaları diqqətlə istifadə etmək vacibdir, çünki həddindən artıq istehlakı yüksək təzyiqə (hipertoniya) səbəb ola bilər. Aşağı təzyiq problemi müntəzəm olaraq davam edirsə, mütləq həkimə müraciət etmək lazımdır.