ABŞ Prezidenti Donald Tramp PKK lideri, terrorçu Abdullah Öcalanın mənəvi oğlu Ferhat Abdi Şahin ilə görüşüb.

Open.az xarici mətbuata istinadən xəbər verir ki, bu barədə ABŞ-ın Türkiyəyə tətbiq edəcəyi sanksiyaların bəzilərini açıqlamasından dərhal sonra vitse-prezidenti Mike Pence məlumat verib.

O, eyni zamanda Trampın Türkiyə Prezidenti Rəcəb Tayyib Ərdoğanla danışdığını və Suriyada dərhal atəşkəs elan edilməsini istədiyini söyləyib.

Mike Pence Türkiyə ilə Suriyalı qüvvələr arasında müzakirələri başlamaq məqsədilə ən qısa müddətdə Türkiyəyə səfər edəcəyini açıqlayıb.

Qeyd edək ki, Abdullah Öcalanın "mənəvi övladım" dediyi və əsl adı Ferhat Abdi Şahin olan terrorçu Mazlum Kobani Türkiyənin qırmızı siyahısında yer alır.