Oktyabrın 24-də «Rospotrebnadzor»un rəhbəri Anna Popova «Rusiya-Afrika» forumunda (Soçi) xəbər verib ki, yoluxucu xəstəliklərin törədiciləri antibiotiklərə tez «uyğunlaşırlar» və vaksinlər onlar üçün qorxulu deyil. Ona görə də yeni epidemiyalara hazır olmaq lazımdır.

«1960-1970-cı illərdə ağlımıza hakim olmuş «infeksion xəstəliklər artıq bizim üçün qorxulu deyil, belə ki, əlimizdə antibiotiklər və vaksinlər var» səciyyəli postulat bu gün nəinki mübahisəliyə çevrilir, həm də tamamilə aktual deyil. Bu gün, 40-50 il ötəndən sonra tamam başqa mənzərənin şahidi oluruq və biz, buna hazır olmalıyıq» – deyə, Popova «Biotəhlükəsizlik» sessiyasındakı çıxışında bildirib.

O, xatırladıb ki, infeksion xəstəliklər sərhəd tanımır, ona görə də problem dünya miqyası daşıyır.
AzPolitika.info