Çilinin paytaxtı Santyaqoda mərkəz küçələrdən birində minlərlə insanın qatıldığı etiraz aksiyaları zamanı bir neçə binada yanğın olub.

APA-nın yerli “24 Horas” telekanalına istinadən verdiyi məlumata görə, yanğın ilk olaraq şəhərdəki otellərdən birində müşahidə olunub.

Yanğının güclü olduğundan yaxınlıqdakı binalara da keçib. Otel sakinlərinin tüstüdən boğulmaması üçün hamısı təxliyə edilib.

Hadisə yerli vaxtla səhər saat 5-də qeydə alınıb.

Ərazidə yanğınsöndürən texnikalar cəlb edilib. Xəsarət alanlar və ölənlər haqqında məlumat verilməyib.