Ayətullah Xamenei İranın yeni prezidenti İbrahim Rəisinin təklifi ilə geniş miqyaslı amnistiya aktı imzalayıb.

Ovqat.com xəbər verir ki, amnistiya 5.156 İranlı məhkumu əhatə edir, onlardan bəziləri bağışlanılır, bəzilərinin isə cəzalarının yüngülləşdirilir.

Məlumata görə, amnistiya aktı Məhkəmə həftəsinin başlaması və İmam Rzanın anadan olması münasibətilə qəbul olunub.

Təklifin yeni prezident İbrahim Rəisi tərəfindən verilməsi diqqətə şayandır. Çünki İbrahim Rəisi beynəlxalq və yerli qüvvələr tərəfindən minlərlə insanın ölümünə hökm verən ayətullah kimi tanınır, hətta bu özəlliyinə görə ona Ayətullahi-Genosid deyənlər də var. Görünür, İran yetkililəri Rəisinin bu imicini təmizləmək və günahını kompensasiya etmək üçün bu yola baş vurublar.