Kanada gizli xidmətlərində kəşfiyyat zabiti vəzifəsində çalışmış bir müsəlman qadın qurumda "sistemli irqçilik" və təhlükəsizlik qüvvələri sıralarında etnik və dini müxtəlifliyin rədd edilməsindən danışıb.

Moderator.az xəbər verir ki, bu haqda "CBC” məlumat yayıb.

Ərəbdilli hicablı müsəlman bir xanım olan Huda Mukbil 15 il boyunca Kanada milli kəşfiyyat və təhlükəsizlik xidmətində- “CSIS”-də çalışıb. Bu müddətdə o, daim "daxili təhlükə" olaraq qəbul edilib və dini mövzuda rəsmi sorğulara məruz qalıb.

2017-ci ildə Mukbil mülki məhkəmədə “CSIS”-ə qarşı ayrı-seçkilik iddiasında iştirak etdikdən sonra kəşfiyyat xidmətindən istefa vermək məcburiyyətində qalıb.

Maraqlıdır ki, “CSIS” direktoru Devid Vinyo xüsusi agentlər sıralarında irqçilik probleminin olduğunu inkar etməyib.
"Bəli, orada sistemli bir irqçilik var və təşkilat daxilində müəyyən bir hədə və repressiyalar qorxusu da mövcuddur"- deyə Vinyo etiraf edib.

Eyni zamanda Kanada xüsusi xidmət qurumunun rəisi təşkilatda "daha çox müxtəlifliyin və əhatəliliyin təmin edilməsini" prioritet hala gətirəcəyinə söz verib.

Sultan Laçın