Ukraynadakı bir qrup millət vəkili rəsmi mərasim məşqində qadın əsgərlərə dikdaban ayaqqabı geyindirilməsinə etiraz edib. Bu məqsədlə onlar maraqlı yola əl atıb.

Yenisabah.az xəbər verir ki, qadın deputatlar bu ideyanın sahibi olan Müdafiə naziri Andrey Tarana dikdaban ayaqqabılar hədiyyə edib. Daha sonra Parlament sədrinin müavini Elena Kondratyuk açıqlama verərək Müdafiə nazirinin bu addımını təhqir adlandırıb:

"Bu cəfəngiyatı Ukrayna Müdafiə Nazirliyinin veb saytında gördük. Hörmətli Müdafiə naziri, ölkəmizi və ordumuzu NATO standartlarına yaxınlaşdırma şəkliniz budur? Bu sadəcə təhqirdir".