İsrailin Prezidenti İshaq Herzoq, Fələstinli həmkarı Mahmud Abbasa iki tərəf arasında dialoqu yenidən başlatmaq istədiyini bildirib.

Eurasia Diary xəbər verir ki, bu barədə prezident İ.Herzoq "Twitter" hesabında yazıb.

"Bu axşam Fələstinin Prezidenti Abbasla danışdım və ona İsrailin əvvəlki prezidentləri kimi fələstinlilərlə israillilər arasında dialoqu davam etdirməyi planlaşdırdığımı çatdırdım"- deyə o qeyd edib.

O, dialoqun əlaqələrin yaxşılaşdırılmasına və iki xalq arasında barışın yaradılmasına kömək edəcəyinə ümid etdiyini deyib.

M.Abbas isə hərtərəfli və ədalətli bir sülh üçün lazımi şəraitin yaradılması yolunda əməli addımların atılmalı olduğunu nəzərə çatdırıb.

Qeyd edək ki, İsrail və Fələstin arasında barış danışıqları 2014-cü ilin aprelində dayandırılmışdı.