“Bizdən NATO-nun genişlənməməsi prinsipinin səbəblərini soruşurlar. Çünki sözügüdən blok Sovet İttifaqına qarşı yaradılıb. Hazırda isə alyans Rusiya Federasiyasının əleyhinə işləyir. Bu, sənədlərdə də yazılıb”.

Bizim.Media xəbər verir ki, cavabının belə başlayan Rusiya XİN rəhbəri Sergey Lavrov əlavə edib ki, Baltikyanı ölkələr, Polşa NATO üzvlüyünə tələsəndə bunun təhlükəli olacağı barədə Moskva NATO-ya xəbərdarlıq edib.

Bu, ekstremist ovqatı daha da qabardacaqdı:

“Bizə inandırmağa çalışırdılar ki, biz həmin ölkələri NATO-ya üzv kimi qəbul edəcəyik və SSRİ dövründən bu dövlətlərdə qalan fobiyalar aradan qalxacaq. Həmin dövlətlər Rusiyanın mehriban, sülhpərvər qonşuları olacaq. Hər şey dediklərinin tam əksi oldu. NATO və Avropa İttifaqında rusfobiyalı azlıq çoxluq təşkil edir”.