Tərəfdaş ölkələr Ukraynaya ümumilikdə 1,5 milyard dollar məbləğində hərbi yardım göstəriblər və bu yardımlar davam edəcək.

AZƏRTAC xəbər verir ki, bu barədə Ukraynanın Baş naziri Denis Şmıqal ölkə hökumətin fevralın 9-da keçirilən iclasında bildirib.

“Tərəfdaşlarımız Ukraynaya təxminən 1,5 milyardlıq hərbi yardım göndəriblər, daha bir sıra ölkələr hərbi və maliyyə yardımı təqdim etmək imkanlarını nəzərdən keçirirlər”, - Denis Şmıqal belə deyib.

Baş nazir Ukraynanın müdafiə qabiliyyətinin möhkəmlənməsinə verilən əhəmiyyətli töhfəyə görə beynəlxalq tərəfdaşlara təşəkkür edib.