AB ölkələrinin xarici işlər və müdafiə nazirləri toplanır
20-03-2022, 12:46
Martın 21-də Avropa Birliyi (AB) Xarici Əlaqələr Şurasının iclası keçiriləcək.
Axar.az xəbər verir ki, Ukrayna böhranı və digər regional məsələləri müzakirə etmək üçün AB ölkələrinin xarici işlər və müdafiə nazirləri bir araya gələcək.
Bildirilir ki, iclasa Ukrayna müdafiə naziri Aleksey Reznikov videokonfrans vasitəsilə qoşulacaq. O konfrans iştirakçılarına Rusiya-Ukrayna müharibəsindəki son vəziyyətlə bağlı məlumatları çatdıracaq.
İclasın Ukrayna ilə bağlı hissəsində AB müdafiə nazirləri Ukraynanın hərbi ehtiyaclarını müzakirə edəcəklər.