Fransa Rusiya Mərkəzi Bankının 22 milyard avro vəsaitini, eləcə də sanksiyalara məruz qalan fiziki şəxslərin hesablarındakı təxminən 150 milyard avronu bloklayıb. Bu barədə Fransanın İqtisadiyyat və Maliyyə naziri Bruno Le Maire məlumat verib.

Bu barədə Editor.az “Kommersant”a istinadən xəbər verir. Həmin xəbərə görə, Le Maire RTL radiosunda çıxışı zamanı deyib: “Biz Rusiya Federasiyası Mərkəzi Bankının 22 milyard avro məbləğində aktivlərini dondurduq. Biz həmçinin Fransa qurumlarındakı fiziki şəxslərin hesablarındakı 150 milyard avro məbləğində vəsaiti də dondurduq. Bundan başqa, Fransada dəyəri 500 milyon avrodan çox olan daşınmaz əmlak da həps qoyulub”.

Qeyd edək ki, 31 mart 2021-ci il tarixinə Rusiya Bankının aktivlərinin coğrafi bölgüsünə dair məlumatlara görə, ümumi aktivlərin 13% -i Fransada saxlanılır. Mərkəzi Bankın 21,5%-i (ən böyük payı) qızıl qismində, daha 14,2%-i (ikinci ən böyük pay) isə Çində saxlanılır.