Patriot hava hücumundan müdafiə sistemlərinin yerləşdirilməsinə cavabdeh NATO hissələrinin ilk dəstələri Slovakiyaya gətirilib.

“Mən təsdiq etməyə şadam ki, bu hissələr tədricən Slovakiya Respublikasına köçürülürlər. Proses yaxın günlərdə davam edəcək”, – ölkənin müdafiə naziri Yaroslav Nad deyib. “Slovakiyanın müdafiəsini əhəmiyyətli dərəcədə gücləndirmək barədə müraciətimizə belə məsuliyyətlə yanaşdıqlarına və həqiqi müttəfiqlik nümayiş etdirdiklərinə görə mən Almaniya və Niderlanda təşəkkürümü bildirirəm”, – nazir əlavə edib.

O söyləyib ki, sistem Slovakiyanın mərkəzində “Sliaç” hərbi-hava bazasında yerləşdiriləcək.