Rusiya Federasiyası Mərkəzi Bankının rəhbəri Elvira Nabiullina Rusiyanın Ukraynaya müdaxiləsindən sonra tutduğu vəzifədən istefa verib. Ancaq Rusiya Prezidenti Vladimir Putin onu buraxmayıb və ölkədən çıxışını qadağan edib.

TNS xəbər verir ki, bu barədə dörd məlumatlı həmsöhbətinə istinadən “Bloomberg” məlumat yayıb.

Nabiullina 9 ildir ki, Rusiya Mərkəzi Bankının rəhbəridir. Ölkənin Ukraynaya təcavüzündən sonra sanksiyalarla məhv edilmiş Rusiya iqtisadiyyatına məcburi şəkildə rəhbərlik edəcək.

Agentliyin həmsöhbətləri bildiriblər ki, istefa indi onun iyirmi ilə yaxındır, birgə işlədiyi Putin tərəfindən xəyanət kimi qiymətləndiriləcək.

Nabiullina yenidən təyinatı ilə bağlı ictimaiyyətə açıqlama verməyib və “Bloomberg”in sualını cavablandırmayıb.