Avropa İttifaqının Avropa Xarici Fəaliyyət Xidmətinin Baş katibinin siyasi məsələlər üzrə müavini Enrike Mora İranın nüvə proqramı üzrə Birgə Hərtərəfli Fəaliyyət Planını (JCPOA) müzakirə etmək üçün Tehrana səfər edəcək.

“Report”un xəbərinə görə, bu barədə Aİ rəsmisi tviterdə yazıb.

“Mən sabah Əli Baqeri Kəni (nüvə sazişi danışıqlarında İranın nümayəndə heyətinin rəhbəri) ilə görüşmək üçün İrana gedirəm. Vyana danışıqlarındakı son boşluqları doldurmağa çalışıram. Biz bu danışıqları tamamlamalıyıq. Çox şey risk altındadır”, - o qeyd edib.