Rusiya və Ukrayna arasında davam edən müharibənin 42-ci günündə ABŞ administrasiyası Vladimir Putinin qızlarına qarşı sanksiya tətbiq etməyə hazırlaşır.

“AzPolitika.info” ABŞ-ın nüfuzlu “The Wall Street Journal” nəşrinə istinadla xəbər verir ki, ABŞ administrasiyası bu həftə ərzində Putinin qızları Mariya Vorontsova və Katerina Tixonovaya sanksiya tətbiq etməyi düşünür.

Məlumatda qeyd olunur ki, ictimaiyyətdən uzaq bir həyat yaşayan Putin ailəsini də hər zaman medianın diqqətindən kənarda saxlamağa çalışır.

Putinin qızlarından Katerina Tixonova iş adamı kimi tanınsa da, Vorontsovanın həkim olmasından başqa mediada heç bir məlumat yoxdur. Bu qızların Putinin uzun illər evli olduğu və 2013-cü ildə boşandığı Lüdmila Putinanın övladları olduğu bildirilir.