Polşanın Ukraynaya daha 10 ədəd “Leopard 2A4 “ model tanklarının təhvil verilməsi prosesi tamamlanıb.

Demokrat.az xəbər verir ki, bu barədə Polşanın Müdafiə Nazirliyi açıqlama yayıb. Açıqlamada qeyd olunur ki, bu gün Ukraynaya vəd edilən daha 10 Leopard 2A4 tankı təhvil verilib. Nazirlik Polşa, Norveç və Kanadalı təlimçilər tərəfindən Ukrayna əsgərlərinə tankların istifadəsi ilə bağlı verilən təlimin də uğurla başa çatdığını bildirib.

Kanadanın 8, Norveçin 8, İspaniyanın isə 6 Leopard 2 tankı batalyona verəcəyini açıqlayıb: "Leopard 2A4 batalyonunu formalaşdırmağa nail olduq. Bu yolla beynəlxalq koalisiyanın tərkibində Ukraynaya dəstək veririk". - deyə açıqlamada qeyd olunur.