İmran Xan terrorizmdə ittiham olunur

20-03-2023, 09:04           
İmran Xan terrorizmdə ittiham olunur
Pakistan polisi ölkənin keçmiş baş naziri və müxalifətdəki “Ədalət Uğrunda Hərəkat” Partiyasının sədri İmran Xana, onun 17 köməkçisinə və onlarla tərəfdarına qarşı terrorizm və digər qanun pozuntuları ittihamı irəli sürüb.

Bu barədə "Associated Press" məlumat yayıb.

Məlumata görə, ittihamlar bir gün əvvəl İslamabadda Xanın kortejini müşayiət edən hüquq-mühafizə orqanlarının əməkdaşları ilə onun partiya tərəfdarları arasında toqquşmadan sonra irəli sürülüb.

Belə ki, hadisə İmran Xanın məhkəmə iclası ilə əlaqədar rayon məhkəməsinə gedərkən baş verib. 50-dən çox polis əməkdaşı yaralanıb, 59 Xan tərəfdarı həbs edilib.

İttihamlar siyahısında terrorizm, polis əməkdaşlarına işlərinə mane olmaq, asayiş keşikçilərinə hücum etmək, polis əməkdaşlarına xəsarət yetirmək və onların həyatını təhlükəyə atmaq kimi maddələr var.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru