Rusiya Federasiyasının İstintaq Komitəsi Rusiya Prezidenti Vladimir Putinin həbsinə order verən Beynəlxalq Cinayət Məhkəməsinin prokuroru və hakimlərinə qarşı cinayət işi açıb.

Bu barədə İstintaq Komitəsinin mətbuat xidməti məlumat yayıb.

“Rusiyanın İstintaq Komitəsi Beynəlxalq Cinayət Məhkəməsinin prokuroru Kərim Əhməd Xan, Beynəlxalq Cinayət Məhkəməsinin hakimləri Tomoko Akane, Rozario Salvatore Aytalı və Serxio Xerardo Uqalde Qodinesə qarşı cinayət işi qaldırıb”, - deyə məlumatda bildirilib.
Mənbə: TASS