Dünya alimləri azyaşlıların mobil telefonlara həddən artıq bağlı olması ilə əlaqədar araşdırma aparıb. Məşhur psixoloq və sosioloqlar bildirib ki, 16 yaşa qədər olan uşaqlara smartfonlardan istifadə qadağan edilməlidir.

Yenicag.az xəbər verir ki, bu barədə müəyyən çağırışlar edilib. Hətta “UsForThem” adlı şirkət kampaniya başladıb. ABŞ-nin deputat və ekspertləri də məsələ ilə bağlı həmfikirdir. Onlar düşünür ki, rəqəmsal asılılıq ciddi fəsadlara yol aça bilər.

Bundan əlavə, təhsil işçiləri də öz narahatlıqlarını dilə gətirib. Bildirilib ki, azyaşlıların internetdə tütün məmulatları, cinsi əlaqə, bullinq və alkoqol kimi kontentləri izləməsi tamamilə yolverilməzdir.

Qərarın qüvvəyə minib-minməməsi hal-hazırda sual altındadır. Amma dövlət qurumları bu barədə rəsmi qadağa qoymaq üçün əlindən gələni edir.