ABŞ Avropada 150-yə yaxın nüvə başlığı yerləşdirib

13-06-2023, 00:12           
ABŞ Avropada 150-yə yaxın nüvə başlığı yerləşdirib
ABŞ-ın Almaniya, İtaliya, Hollandiya, Belçika və Türkiyədəki hərbi hava bazalarında heç bir rəsmi açıqlama olmadan 150-yə yaxın nüvə bombası yerləşdirilib.

Redaktor.az "Sputnik"ə istinadla xəbər verir ki, bu barədə Nüvə Silahlarının Ləğv Edilməsi üzrə Beynəlxalq Kampaniyanın (ICAN) siyasət və tədqiqat koordinatoru Alisiya Sanders-Zakre deyib.

"Beləliklə, Amerika nüvə silahlarının Avropada yerləşdirilməsi ilə bağlı heç bir ictimai təsdiq və ya təkzib olmasa da, biz bilirik ki, nüvə silahı Avropanın beş ölkəsində yerləşdirilir: Almaniya, Belçika, Hollandiya, İtaliya və Türkiyədə. Müstəqil ekspertlərin fikrincə, ABŞ-ın bu ölkələrdəki hava bazalarında 150-yə yaxın döyüş başlığı yerləşdirilib”,- o, brifinqdə bildirib.

Sanders-Zakre əlavə edib ki, ICAN Avropanın istənilən ölkəsində nüvə silahının yerləşdirilməsi ilə bağlı çox narahatdır.

Nüvə Silahlarının Ləğv edilməsi üzrə Beynəlxalq Kampaniya (ICAN) 2007-ci ildə təsis edilmiş beynəlxalq ictimai təşkilatdır. Onun məqsədi Nüvə Silahlarının Qadağan edilməsi Müqaviləsi qəbul edilməsini və həyata keçirilməsini təşviq etməkdir.

Təşkilat 2017-ci ildə Nobel Sülh Mükafatını alıb.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru