Ukrayna uzaqmənzilli ATACMS raketlərindən necə istifadə edəcəyinə özü qərar vermək hüququna malikdir.

Teleqraf.com xəbər verir ki, bunu ABŞ dövlət katibi Entoni Blinken deyib.

ABŞ rəsmisi Ukraynanın Pentaqonun verdiyi silahlardan məhdudiyyətsiz istifadə edə biləcəyini vurğulayıb:

“Amerika texnologiyasını dəstəkləməyi bacarmalıdırlar və bu, avtomatik olaraq baş vermir. Bundan başqa, bunlar Ukraynaya məqsədlərinə çatmağa kömək edən ardıcıl hərbi proqrama uyğun olmalıdır”.

Blinken əlavə edib ki, Amerika silahları Ukraynaya gəldikdən sonra ABŞ-a məxsus olmaqdan çıxır:

“Söhbət ukraynalıların bu sistemlərdən necə istifadə etməsindən gedirsə, hədəfləmə qərarları onların ixtiyarındadır. Bu ixtiyar bizdə deyil. Özlərinin tam suverenliyini, ərazi bütövlüyünü bərpa etmək üçün nəyin ən təsirli ola biləcəyi barədə nəticə çıxarmalıdırlar”.

“The Wall Street Journal” bundan əvvəl yazmışdı ki, ABŞ Ukraynaya ATACMS raketləri verməklə bağlı tarixi qərar qəbul etməyə yaxındır. Nəşrin iddiasına görə, Ağ Ev Kiyevdən ATACMS raketlərinin Rusiya ərazisinə atılmaması ilə bağlı vəd alıb. Nəşr raketlərin payızda Ukraynaya çatdırılacağını bildirmişdi.