Ukraynadakı münaqişə zonasında vəziyyət NATO rəhbərliyinin gözlədiyindən də mürəkkəb olub.

Axar.az xəbər verir ki, bu barədə təşkilatın Baş katibi Yens Stoltenberq deyib.

O qeyd edib ki, son vaxtlar Rusiya ordusu təmas xəttində hücum əməliyyatları keçirməyə başlayıb, rus qoşunları tədricən Donetskin Avdeyevka şəhərinə doğru irəliləyir:

“Ancaq vəziyyətin gözləniləndən daha mürəkkəb olması yardıma qarşı arqument deyil, bu, Ukraynaya daha böyük yardımın lehinə olan arqumentdir. Müttəfiqlər Rusiya Prezidenti Vladimir Putinin qalib gəlməsinə imkan verə bilməzlər. Hadisələrin bu cür inkişafı alyansın özünə mənfi təsir göstərəcək”.