66 yaşlı fransız senator Joel Guerre parlament üzvünə seksual xarakterli zorakılıq etmək niyyəti ilə ona narkotik maddə verməkdə ittiham olunur.

Cebhe.info xəbər verir ki, Paris prokurorluğunun verdiyi məlumatı senatorun vəkili Remi Pyer Dray da təsdiqləyib.

Məlum olub ki, Guerre 48 yaşlı parlament üzvü Sandrin Jassoya cinsi təcavüz etmək niyyəti ilə istintaq altındadır.

Həmçinin 60 yaşlı senator sözügedən xanıma insanın hərəkətlərini qavramasını və ya nəzarətini dəyişdirə bilən narkotik maddənin verilməsinə görə ittiham olunur.

Sandrin Jassonun vəkili Culiya Minkovski Fransa mediasına bildirib ki, hakim “Modem” koalisiyasından olan millət vəkili bu həftə onun mənzilində bir stəkan şampan içdikdən sonra özünü pis hiss edib. Xanım deputat senatorun əlində ağ maddə olan kiçik bir plastik torba tutduğunu və içkisinə nəsə qatdığını görüb.

İddia edilən insident zamanı Sandrin Jassonun senatorun mənzilində niyə olduğu hələlik açıqlanmır.