Gürcüstanın rəhbəri Salome Zurabişvili yaxın vaxtlarda müxalifətçilik fəaliyyəti ilə məşğul ola bilər.

Editor.az bildirir ki, bu barədə müxalifətin “Strategiya Aqmaşenebeli” partiyasından olan deputat Paata Mancqaladze deyib.

“Mən Salome Zurabişvilinin daha kəskin addımlarını gözləyirəm… Düşünürəm ki, tədricən prezident siyasətdə fəallaşmağa qərar verəcək. Mən onu hansısa müxalifət partiyasının siyahısında görəcəyimizi istisna etmirəm”, – Paata Manjqaladze vurğulayıb.

Deputat bildirib ki, Zurabişvilinin hansı partiyaya keçə biləcəyi hələ məlum deyil, lakin bəziləri onu məmnuniyyətlə qəbul edəcəklər. O, həmçinin əlavə edib ki, dövlət başçısı Gürcüstanın sabiq prezidenti Mixail Saakaşvilini əfv etməklə aktiv siyasi fəaliyyətə başlamalıdır. Bu yolla o, xalqın səsinə çevrilə bilər.

“Əgər prezident xalqın səsi olmalı və ədalət uğrunda mübarizə aparmalı olduğunu iddia edirsə, o zaman bu, ilk növbədə Mixail Saakaşvilinin işində təsdiqlənməlidir. Çünki məhkəmə və prokurorluğa Partsxaladze və onun klanı rəhbərlik edirsə, belə çıxır ki, günah da qanun da təhrif olunub”, – Paata Manjqaladze vurğulayıb.