2024-cü ilin yanvar ayında vəba xəstələrinin sayı 40 min nəfəri keçib.

32gun.az bildirir ki, bu barədə Ümumdünya Səhiyyə Təşkilatının ( ÜST ) fevralın 12-də dərc olunmuş aylıq hesabatında deyilir .

Məlumata görə, bu ilin əvvəlində vəba xəstəliyinin davamlı şəkildə yayılması müşahidə olunub: təkcə yanvar ayında dörd regionda - Afrika, Şərqi Aralıq dənizi, Amerika və Cənub-Şərqi Asiyada 17 ölkədə 40,9 min yoluxma halı qeydə alınıb.

Həmçinin qeyd edilir ki, 2023-cü ildə dünyada vəbaya yoluxanların ümumi sayı 700 min nəfəri keçib.

Xatırladaq ki, bundan əvvəl, dekabrın 7-də ÜST 2023-cü il yanvarın 1-dən noyabrın 15-dək 610 mindən çox vəbaya yoluxma hadisəsi barədə məlumat vermişdi.