Venesuela Prezidenti Nikolas Maduro seçki kampaniyası çərçivəsində Miranda əyalətinin Marizapa qəsəbəsini ziyarət edib.

Bir futbol meydançasının açılışında iştirak edən Venesuela prezidenti daha sonra uşaqlarla futbol oynayıb.

Nikolas Maduro bu görüntüləri rəsmi "X" hesabında paylaşıb.

"Niyə də yox? Marizapa futbol sahəsində Mirandanın qız və oğlan uşaqları ilə kiçik bir futbol matçı. Venesuela üçün bir qol! Bəli, bax belə…", - deyə o, paylaşıma şərh verib.

Yerli mətbuatda çıxan xəbərlərə görə, Nikolas Maduro iyulun 28-də ölkədə keçiriləcək prezident seçkisi ilə əlaqədar Miranda əyalətində vətəndaşlarla görüşüb.

Mənbə: TGRT Haber