Yaponiya hökumətinin məlumatına görə, raketin uçuş məsafəsi 1000 kilometr, hündürlüyü 7000 kilometrdir və uçuşun hündürlüyü və müddəti bütün buraxılışlar üçün ən çox olub.
Çin ümid edir ki, bütün tərəflər Koreya yarımadası probleminin siyasi həllini təşviq edəcəklər. Bunu Çin Xarici İşlər Nazirliyinin sözçüsü Lin Tszyan KXDR-in ballistik raket buraxmasını şərh edərkən bildirib.
Daha əvvəl bildirilmişdi ki, KXDR Pxenyan ərazisindən Yapon dənizinə doğru uzaqmənzilli ballistik raket atıb.
Diplomat qeyd edib ki, Çin Koreya yarımadasında vəziyyətin inkişafını izləyir.
"Biz yarımadada sülhün və sabitliyin qorunmasının və Koreya yarımadası məsələsinin siyasi həlli prosesinin təşviq edilməsinin bütün tərəflərin ümumi maraqlarına uyğun olduğuna inanırıq. Ümid edirik ki, bütün tərəflər bu istiqamətdə səylər göstərəcək", - Lin Tszyan deyib.

Yaponiya hökumətinin məlumatına görə, raketin uçuş məsafəsi 1000 kilometr, hündürlüyü 7000 kilometrdir və uçuşun hündürlüyü və müddəti bütün buraxılışlar üçün ən çox olub.
Şimali Koreya lideri Kim Çen In bildirib ki, raket buraxılışı ölkənin düşmənləri ilə mübarizə aparmaq əzmini nümayiş etdirir. Şimali Koreya Müdafiə Nazirliyinin sözçüsü Raket Qüvvələri Baş İdarəsinin çox vacib sınaq keçirdiyini deyib.