Ukraynanın Lvov vilayətinin Kulçitsı şəhərində anadan olmuş Yuri Frans Kulçitski Vyanada “Avropaya qəhvə içməyi öyrədən adam" kimi tanınırdı. Zaporojye kazaklarının türklərə qarşı yürüşlərinin birində əsir düşüb, türk dilini və adətlərini (o cümlədən qəhvə içməyi) öyrənən Kulçitski, serb tacirləri tərəfindən azad edildikdən sonra Şərqi Avstriya Ticarət Şirkətinin (Almaniya) Belqrad şöbəsində tərcüməçi işləmiş, vəsait toplayıb Vyanada ticarət şirkəti açmışdı. 1684-cü il yanvarın 10-da Avstriya imperatorunun türk dilindən şəxsi tərcüməçisi təyin edilən Kulçitskinin, kofenin tanıdılması və təbliğatı barədə müxtəlif mülahizələr və rəvayətlər mövcuddur. Şərəfinə qoyulmuş abidələrə və populyarlığına baxmayaraq, son illərin “tədqiqatçıları” Vyanada ilk qəhvəxananın 1685-ci ildə erməni Hovhannes Astvatsatur (Avropada Johannes Diodato kimi tanınır) tərəfindən açıldığını sənədləşdirib. Bunun üçün erməninin bu sahədə fəaliyyətini təsdiq edən bir sənədin tapılması və onun müxtəlif “tarixçilər” tərəfindən tirajlanması (aralarında türklər də var) kifayət edib.
Эльдар Тагиев