Ya bu gün, ya da 2061-ci ildə... - Tarixi fürsət
22-10-2016, 08:58
Orion meteorit yağışını qaçırmaq istəməyənlər iki gecə yuxusuz qalmaq məcburiyyətdə qalacaqlar.
Axar.az xəbər verir ki, meteoritlərin göy üzündə əmələ gətirdiyi və “Orion meteorit yağışı” olaraq tanınan meteorit yağışı 21-22 oktyabr tarixləri arasında izləniləcək. Bu anı izləmək üçün xüsusi cihaza ehtiyac yoxdur. Açıq havada, şəhərdən uzaqda və qaranlıq ərazilərdə meteorit yağışını izləmək daha asandır.
Mütəxəssislər bu anı izləmək üçün ən uyğun saat kimi 1-4 arasını göstəriblər.
Hər il oktyabr ayında müşahidə edilən Orionid meteor yağışları Halley adlı ulduzun dağılmış parçaları tərəfindən əmələ gələn iki meteor yağışından biridir. Halley ulduzunu bir də 2061-ci ildə görmək mümkün olacaq.
