İtaliyanın baş naziri Ciorcia Meloni Trampın Ukrayna ilə bağlı bəyanatları ilə şəxsən razılaşmasa da, Ağ Ev rəhbəri ilə münasibətini qoruyub.

Bu barədə "Bloomberg" xəbər verir. Nəşrin mənbələrinə görə, Meloni aylarla ABŞ-lə münasibətlərində balansı qorumağa çalışıb. O və komandası dəfələrlə Trampın Ukrayna, ticarət və digər məsələlərlə bağlı açıqlamalarından məyus olub. Buna baxmayaraq, o, "ən az müqavimət yolunu" seçib və hər hansı birbaşa tənqiddən qaçmaq qərarına gəlib.

"Onun Vaşinqtona səfəri Zelenskidən çox fərqli olub. Məsələn, Tramp xanım baş naziri belə təsvir edib: “O, fantastik insandır, əla iş görür və bizim gözəl münasibətimiz var”, - nəşr qeyd edir.