Venesuelada Konstitusiya Assambleyası çağırılır.

APA-nın TASS agentliyinə istinadən verdiyi xəbərə görə, bunu ölkə prezidenti Nikolas Maduro paytaxt Karakasda keçirilən 1 May nümayişində bəyan edib.

Onun sözlərinə görə, Konstitusiya Assambleyasına dövlət quruluşunu dəyişməklə yanaşı qanunvericiliyə dəyişikliklər etmək səlahiyyəti veriləcək. N.Maduro yaxın saatlarda yeni qurumun təsis edilməsinə dair fərman imzalayacağını bildirib.

Venesuela müxalifəti Konstitusiya Assambleyasının çağırılmasını dövlət çevrilişi kimi qiymətləndirib.

Venesuelada prezident Nikolas Maduronun hökuməti ilə müxalifətin nəzarət etdiyi parlament arasında münaqişə davam edir. Martın sonunda Venesuela Ali Məhkəməsi prezidentə parlamentlə məsləhətləşmədən qərar qəbul etmək səlahiyyəti verib. Hazırda qərar ləğv edilsə də, ölkədə siyasi böhran davam edir.