İraq şiələrinin Ali Mərcəyi-Təqlidi Ayətullah Seyyid Sistani Mosulun azad olunmasında ələ keçirilmiş İŞİD terrorçuları ilə bağlı fətva verib.
İslaminSesi bildirir ki, Mərcəyi-Təqlid Ayətullah Sistani əməliyyat zamanı ələ keçirilmiş terroristlər və onlarla əməktaşlıq etmiş insanlarla qəti surətdə işgəncə və pis rəftar edilməsini qadağan edib.

Ayətullah Seyyid Sistani əsirlərlə pis rəftarın bir cinayət olduğunu, onların məhkəməyə təslim olmalarının bir ədalət tələbi olduğunu bildirib.

Ayətullah Sistaninin Kərbəla təmsilçisi Cümə namazında İŞİD-in işğalında olan torpaqların tamamən azad olması ilə böyük qələbəni qeyd edəcəklərini bildirib.

Qeyd edək ki, Mosulun azad olunmasında yüzlərcə İŞİD -çinin əsir alındığı bildirilib.