Hurriyyet.org xəbər verir ki, İran hökuməti hazırda qüvvədə olan pul vahidi rialın yenisi ilə - tümənlə əvəzlənməsi barədə qərar çıxarıb.

İranın nazirlər kabinetinin katibi Möhsün Hacı Mirzəyi bu barədə açıqlamasında deyib: “Hazırkı qərar pul hesablarının sadələşdirilməsinə yönəldilib. Bir tümən 10 riala bərabər olacaq. Beləliklə, qiymətləri əks etdirən rəqəmlərdə sıfırın biri ixtisar edilmiş olacaq”.

Tümən 1932-ci ildə rial ilə əvəzlənənə qədər İranın pul vahidi hesab edilirdi. İndi yenidən əks istiqamətə qayıdış baş verib.

İndiyə qədər tümən İranda qeyri-rəsmi pul vahidi hesab edilirdi. Daha doğrusu, xalq arasında danışıqda hələ də “tümən” sözünün işlədilməsi müəyyən qarışıqlığa səbəb olurdu.