İki gün əvvəl itkin düşən Ermənistanın Armavir vilayətinin qubernatorunun müşaviri Manuk Simonyanın cəsədi tapılıb.

AzVision.az Ermənistan mətbuatına istinadən xəbər verir ki, polis tərəfindən həyata keçirilən əməliyyat-axtarış tədbirləri nəticəsində iyulun 25-də, saat 23:30-da, Myasnikyan-Dalarik yolunun üçüncü kilometrliyində, "Dalarik Dərəsi" adlanan ərazisində itkin düşmüş kimi axtarışda olan 1965-ci il təvəllüdlü Manuk Simonyanın meyiti aşkar edilib.

Hazırda məhkəmə-tibbi ekspertizası təyin edilib. İstintaq aparılır.

“Shamshyan.com” saytının məlumatına görə, mərhumun cəsədi kriminal aləmdə ölüm üsullardan biri olan mis məftillə sarınmış olub.