ABŞ Senatı böyük əksəriyyətlə Federal Təhqiqat Bürosunun (FTB) direktoru vəzifəsinə Kristofer Reyin namizədliyini dəstəkləyib.
"Report" xəbər verir ki, bu barədə "Amerikanın səsi" məlumat yayıb.
Məlumatda bildirilir ki, o, prezident Donald Tramp tərəfindən bu ilin mayında vəzifəsindən uzaqlaşdırılmış Ceyms Komini əvəz edəcək. Kristofer Reyin namizədliyinə 100 senatorun əksəriyyəti səs verib. Hər iki partiyanın liderləri yuxarı palatada dörd saat Reyin namizədliyinin müzakirə ediblər.
Senatdakı respublikaçı əksəriyyətin başçısı Mitç Makkonnell xüsusi xidmət orqanının başçısının təyinatına ehtiyacı olduğunu ayrıca vurğulayıb. O, xatırladıb ki, Senatın Hüquq məsələləri üzrə komitəsində 20 komitə üzvü Reyə yekdilliklə səs verib.