Dünya idman sahəsi təkcə izləyici kütləsi ilə deyil, həm də gətirdiyi milyardlarla dollarlıq gəlirlərlə diqqət çəkir. Hər il müxtəlif idman növləri, liqalar və turnirlər milyonlarla azarkeş, sponsor və yayımlama haqları sayəsində böyük maliyyə həcmi yaradır. Bəs hansı idman növləri dünya miqyasında ən çox gəlir gətirir?

Valyuta.az milyardlarla gəlir gətirən 10 idman növünü təqdim edir.

1. Futbol – Dünyanın ən populyar idmanıdır, FIFA Dünya Kuboku və UEFA Çempionlar Liqası milyardlarla gəlir gətirir. Təxminən illik gəliri 40 milyard dollardır.

2. Amerika Futbolu – Əsasən ABŞ- da məşhur olan bu oyunun təxminən illik gəliri 18 milyard dollardır.

3. Beysbol – Yaponiya və ABŞ- da daha çox oynanılır. Təxminən illik 11-12 milyard dollar gəlir qazandırır.

4. Basketbol – Dünyada ən sürətlə böyüyən idman növlərindən biridir, xüsusilə Asiyada böyük bazarı var. İllik gəliri 10-11 milyard dollardır.

5. Kriket – Hindistan Premier Liqası (IPL) kriketin qlobal bazarını partlayışla böyüdüb. İllik gəliri 9-10 milyard dollardır.

6. Xokkey – İllik gəliri 5-6 milyard dollar olan bu oyun ABŞ, Kanada, Rusiya və Skandinaviya ölkələrində çox populyardır.

7. Formula 1 – Qlobal televiziya izləyiciləri və sponsorluqlar sayəsində ən gəlirli motor idmanıdır. İllik gəliri 2-3 milyard dollardır.

8. Tennis – Wimbledon, US Open kimi “Grand Slam” turnirləri illik 2 milyard dollar gəlir gətirir.

9. Qolf – Xüsusilə ABŞ və Avropa bazarında zəngin sponsorluqlarla gəlir qazanan bu idman növü illik 1,5-2 milyard dollar gəlir gətirir.

10. MMA / Boks (UFC, Professional Boxing) – UFC son illərdə boksla yanaşı ən çox izlənən döyüş idmanına çevrilib. İllik gəliri 1-1,5 milyard dollardır.